Ég vildi bara láta þá vita sem vilja, að það eru komnar fullt af nýjum myndum á heimasíðuna hjá Ólíver Dór og Emmu Dís.

Kv. Beta

Úff, ég er að verða lélegur bloggari! Ekki að ég hafi ekki reynt, í fyrradag (já, ég veit)þá reyndi ég 3 sinnum, einu sinni skrifaði ég beint inn á dagbókina, þvílíkt langt og fyndið blogg (get dagt þetta því að þið fáið ekki að lesa þaðJ), en var víst of langorð því að það hvarf allt þegar ég ætlaði að vista og aulinn ég ekki búin að copya þegar ég vistaði. Semsagt, tilraun nr:1

Tilraun númer 2: Var búin að skrifa ágætlega mikið þegar að Emma var alveg búin að missa þolinmæðina á teppinu og Hrafnhildur sem var ótrúlega fyndin og skemmtileg til að byrja með var hætt að vera fyndin og Emma Dís vildi bara matinn sinn og ekkert múður. Glugganum með blogginu var síðan óvart lokað á meðan að Emma fékk að drekka.

Tilraun nr:3 Ég skrifaði í tölvuna mína/Örvars og að þessu sinni í Word svo að ég væri nú alveg “safe”. Ég var á ný komin með þrusublogg, sem hefði fengið nokkra til að hlæja sig í hel, en vitiði menn, tölvan bara restartaði sér, svona upp á gamanið og allt bloggið mitt sem að ég hafði verið svo gáfuð að skrifa í Word (maður lærir af reynslunni) hvarf og “autosave” (jú þetta veit ég nefnilega) hafði eitthvað gleymt sér svo að bloggið var enn á ný horfið. Ég get ekki annað en viðurkennt að eftir þetta var ég svo gjörsamlega búin á því (enda ekki hægt að vera fyndin endalaust), og fór að sofa.

 

 

En núna skal ég reyna að segja ykkur frá því hvað á daga okkar hefur drifið í þessari viku! Á mánudaginn átti að vera svokallaður aðbúatilaðventukransdagur, því að ég var svo upptekin við að undirbúa aðventukransa í EPAL að ég lét heimilin sitja á hakanum hvað þetta varðar í síðustu viku. Ég var búin að ákveða að gera aðventukrans í skál sem að mamma hafði átt og var alls ekki að mínu skapi, en hélt að það yrði kannski notalegt að hafa skálina svona í ein jól ,minningana vegna. Ég geri þessvegna dauðaleit að skálinni, í öllum jólakössum, inn í skáp, uppá skáp, bara neim it!! Nema skálin finnst bara ekki, pabbi sagði mér svo þegar hann kom heim að sennilega (fyrst að ég fann hana ekki) væri skálin brotin. Svo þetta varð að aðfinnaekkiaðventuskálinadagur.

 

 

Í gær vafði ég því (eða næstum því, er ekki alveg búin) krans úr thuju og við Hrafnhildur ætlum að skreyta hann og setja svo glerkramarhús (svona sem passar fyrir sprittkerti) í hann. Meira minn stíll verð ég að viðurkenna. Við/ég bjuggum líka til piparkökudeig í gær, sem að við ætlum svo að búa til kökur úr í dag. Ég verð að viðurkenna að það var ekki bara leikur einn að búa til þetta deig, ætla svo sem ekki að fara að segja frá því í smáatriðum en ímyndið ykkur þetta, smjör, sykur og syróp að bráðna í potti, Ólíver Dór að sulla og hella út á borð þurrefnunum sem að ég hélt að ég væri svo sniðug að blanda saman fyrst, Emma Dís hágrátandi, svöng og þreytt í bílstólnum sínum, og stelpurnar (Katrín Eik og Hrafnhildur) að reyna að hugga hana. Ég verð að viðurkenna að ég var ekki viss um að ég héldi geðheilsunni fram að jólum

 

 

Í dag er ég búin að sofa heila nótt nánast, dóttir mín ákvað að klukkan hálf sex væri komin morgun og það var eiginlega sama hvað ég reyndi, hún sofnaði ekki. Örvar tók hana svo fram þegar hann vaknaði svo ég fékk að hvíla mig aðeins lengur.

 

 

Í dag á að búa til mömmukökudeig, búa til piparkökur, klára aðventukransinn og slappa aðeins af (hmmm). Hlakkar til að sjá hvað af þessu tekstJ

 

 

Einn gullmoli að lokum: Í gær var Örvar að bursta tennurnar hjá Ólíver Dór áður en hann færi með hann í leikskólann. Svo þegar hann er búinn að bursta hann þá þurrkar Ólíver sér um munninn í bindið hjá pabba sínum. Örvar varð lítið glaður við þetta, byrstir sig og spyr hann hvað þetta ætti eiginlega að þýða? Ólíver Dór svarar að bragði “hvað, ég var skítugur?”

 

 

Kannski er ekki sniðugt að hafa svona langt blogg, nennir einhver að lesa þetta??

Allavegana, tútílú!!!

Ég fór sko í flottustu búð í heimi í dag. Ég fór með Kristínu (sem er Hvergerðingur sem á heima í Hamar, dóttir hennar Karlinnu) og mikið er ég fegin að hún hafi tekið mig með. Ég var alveg á vá-inu allan tímann.

Þetta er kertabúð sem er í gamalli bruggverksmiðju og svo getur maður séð inn í verksmiðjuna. Og kertin þarna, vaháhá! Sia kertin eru bara rusl miðað við þessi! Og svo er allt skreytt svo rosalega flott og allt svo æðislegt. Ég gæti sko alveg eytt mörgum peningum þarna.

Það er líka hægt að fá alls konar skraut og það var búið að setja upp svona sýningarborð með jóladiskum og svoleiðis. Ég alveg sá verulega eftir að vera búin að kaupa allar jólagjafir.

Ég mæli með þessari búð ef þið eigið einhvern tíma leið fram hjá Hamar... 

Svo kom veturinn í dag, byrjaði að snjóa aðeins í gær og hélt svo áfram í dag, það verður frekar jólalegt svona þegar snjóar, hér er eiginlega ekkert rok svo snjórinn situr á trjám og húsþökum og allt er eitthvað svo hvítt...

Á morgun er ég að fara í tónleikaferðalag til Tynset, sem er einhvers staðar hér í Hedmark, 3 klukkutíma í burtu. Allar hljómsveitirnar í skólanum eru að fara og við höldum 2 tónleika og förum kl 8 um morguninn og komum heim um 12 leytið um kvöldið Ég er að hugsa um að fara bara í náttfötunum með kodda og teppi í rútuna og hafa svört föt til skiptanna...

Hver sagði að það væri leikur einn að vera í fæðingarorlofi? Ég hafði samasemmerki á milli fæðingarorlifs og að kúra frameftir, horfa á barnið tímunum saman, spjalla við það (eða hjala), þvo nokkrar vélar á dag af þvotti og fara svo snemma að sofa því barnið sefur jú, 18-22 tíma á dag. Í mínu tilviki stenst bara eitt: ég þvæ nokkrar vélar á dag af þvotti. Í dag td. var ég búin að keyra til Rvíkur, versla og tilbaka, og fara 2 ferðir fram og til baka á Selfoss fyrir hádegi! Og til að kóróna þetta allt saman þá var hringt í mig af leikskólanum og mér sagt að Ólíver Dór væri orðin veikur (og ég hugsaði með það sama, ekki einu sinni enn, hvað getur það nú verið?), jú hann sem var sendur heim á mánudaginn með ælupest var víst komin með niðurgang í þetta skiptið. Mmmmhmmm. Ég varð nú ekki var við það, barnið er búið að vera súperhresst í allan dag, ekkert að á þeim bæ. Fóstrurnar fá sko að sjá Ólíver Dór á leikskólanum á morgun.

Annars var að amma Elín að koma og eftir mikla íhugun þá ætlar hún að leyfa mér að halda afmælisveislu fyrir hana!!! Pabbi leggur til húsnæðið, og ég sé um að skipuleggja veitingar. Annars var ég búin að segja við hana ömmu  að þrátt fyrir að hún ætlaði ekki að leyfa mér að halda upp á afmælið, þá slyppi hún ekkert við pakka. Ég ákvað nefnilega í júlí hvað ég ætlaði að gefa henni. Annars ætlaði hún að flýja heimili á afmælisdaginn. Ég er viss um að hún vissi ekki einu sinni hvert hún ætlaði, þvermóðska, held ég. Minntist ég á að amma mín er að verða 80 ára, 11. desember. Glæsilegt það!!!

Jæja, læt þetta duga í bili, Emma Dís ekkert ánægð með að vera látin liggja á gólfinu,
bið að heilsa í bili

Já, fólkens. Þessir dagarnir eru sko ansi skemmtilegir hjá mér

Í dag fékk ég pakka að heiman. Það er alltaf svo gaman að fá pakka að heiman. Í þessum pakka var geisladiskur með myndasjóvinu af mömmu og svo jóladagatal. Ég get varla beðið eftir að 1. des komi, svo ég geti byrjað á því

Svo fékk ég ferlega fyndið símtal. Í miðjum kontrapunktstíma. Frá einhverjum kalli sem var að leita að Sigríði S. Halldórsdóttur og datt í hug að hringja í mig af því að ég heiti líka Halldórsdóttir.... Þessir útlendingar geta verið svo vitlausir. Ekki myndi ég fara að hringja í Sven Nielsen á Íslandi þegar ég væri að leita að númerinu hjá Rasmus Nielsen af því þeir hétu sama eftirnafni...

Á morgun er líka skemmtilegur dagur. Þá ætlum við Bára að fara niðrí bæ og fá okkur pizzu og fara svo í bíó að sjá Harry Potter og eldbikarinn Því myndin er sko komin í Sagatun Kino í Hamar, meirasegja heimsfrumsýnd þar ! (Líka Noregsfrumsýnd, hélt það segði sig sjálft, en þeir í bíóinu töldu það þurfa að koma líka fram á plakatinu)

Annars er ég bara að reyna að vera dugleg að æfa mig, bæði spilalega séð og taugalega séð. Fékk fullt af góðum stressráðum frá Morten, sem er einhvers konar umsjónarkennarinn minn, á að sjá um að mér líði vel Hann er túbukennari og túbunemendunum finnst hann svakalega fyndinn, sat við hliðina á einum í tónheyrnartíma og sá sá einhverja ástæðu til að flissa allan tímann. Við erum að tala um strák sem er um 2 metrar á hæð, 1 á breidd, með ljóst krullað hár niður að höku, rosalega stór svört gleraugu og vantar aðra framtönnina í hann. Þessi strákur flissaði á mánudaginn stanslaust í 1 og hálfan tíma... En eníweis... Ég er semsagt að æfa mig á fullu, ekki nema 3 mánuðir í prufuspil! Ætla að sækja um í fullt af skólum, í Noregi, Danmörku, Svíþjóð og Íslandi. Gaman, gaman

En já, er alveg orðin tóm svo ég ætla að hætta núna...

Ég skora á pabba að fara núna að blogga eitthvað Gó pabbi gó gó!

Já, það byrjaði ekki vel dagurinn hjá mér, eða það er kannski vitlaust að að segja það. Hann byrjaði mjög vel, fékk Örvar til að taka Ólíver Dór í leikskólann svo að ég gæti sofnað með Emmu Dís eftir að þeir voru farnir. En nei, þegar Emma var nývöknuð og ég að stíga út úr sturtunni, þá hringir síminn og þá er það leikskólinn sem tilkynnir mér að Ólíver liggi á dýnu í leikskólanum og kvarti yfir maganum, ekki búinn að æla en kríthvítur í framan svo að það sé bara tímaspursmál hvenær það gerðist. Ok, ég hringi í pabba sem að sækir hann fyrir mig. Ólíver fær svo bara að leggjast í sófann og horfa á Jón Odd og Jón Bjarna (snilld að það sé búið að gefa þá út á DVD. Mjög vinsæl heima hjá mér). Þegar sú mynd er hálfnuð og án nokkurar viðvörunnar þá byrjar hann að æla (hann var eiginlega svona þannig hress að ég var farin að efast um að hann myndi æla), og nær að æla á Birtu, blaðið sem að hann er að lesa, sófann sem að hann liggur í, sængurverið og auðvitað sængina sína. Og að því að hann ældi svo rosalegu magni þá lak þetta auðvitað niður á gólfteppið.
Jabbs, mér var hugsað til hans Örvars míns sem að má ekki finna kúkalykt án þess að kúgast, sá hefði orðið glaður
En dagurinn var ekki búinn. Ólíver ældi auðvitað aftur, að þessu sinni í fötuna. En var ég svo heppin að þar með væri því lokið. Nei hei, hann vildi endilega fá að drekka, skiljanlegt, skola niður beisku ælubragði, svo að þar sem að ég var að gefa Emmu Dís að drekka þá lét ég hann fá glas til að fara inn á bað og fá sér vatn þar. Það vildi ekki betur til en að glasið datt niður á flísarnar og mölbrotnaði, það varð ég svo að ryksuga og svo skúra til að ná minnstu brotunum. Ég þarf ekki að minnast á að sængin hans Ólívers er á Intensiv þvotti, enda þarf það til til að ná þessari fýlu úr. Þegar þarna er komið er ekki komið hádegi einu sinni.

Þarf ég taka það fram að ég ætla aldrei að skipuleggja það þannig að ég geti haft það notalegt heima og verið löt, óóóó, það hefnir sín sko, trúið mér!!!!!

Annars er ég að fara að skipuleggja jólakökubaksturinn, var að spá í að baka bara fyrir bæði heimilin hér, en þá hef ég afsökun fyrir því að vera ekki byrjuð en því að við pabbi þurfum þá að komast að sameiginlegri niðurstöðu um hvaða sortir við viljum. En það verða allavegana loftkökur (uppáhaldið mitt og pabba), mömmukökur (hefð á þessu heimili) og svo einhverjar tvær í viðbót. Var að spá í að hvíla okkur á lakkrískurlkökunum þetta árið. Einhverjar góðar hugmyndir að þessum tveim tegundum????

Ég sé núna að titillinn er jólaföndur, og já við föndruðum meira í dag, segi ekki meira um það, nema að við skemmtum okkur vel, eftir smá byrjunarörðuleika. Ólíver Dór tók aðeins á þolinmæðinni hjá frænku sinni, hann nýtur þess stundum að þenja taugarnar hjá henni. Þau eru auðvitað  farin að verja svo miklum tíma saman  að það er farið að votta fyrir systkinabaráttu, fyndið. Ólíver Dór ætlar að líkjast mér að því leitinu til að vera ögn stríðinn, sé stundum sjálfa mig í honum, þegar hann er að hrekka Hrafnhildi.

Jæja, verð að fara að hætta þessu,
en gaman að sjá umferðina á síðunni, minni á gestabókina að því tilefni
Elísabet

Nù verd èg ad vera jafn dugleg og systir mìn... Tad er margt ad gerast hèr ì Toneheim tessa dagana, vid fàum heimsòkn à næstum hverjum degi frà konservatorìum og hàskòlum. Oftast koma nemendur en ì dag fengum vid kennara frà hàskòlanum ì Stavanger. Klarinettkennarinn kom og var fyrst med smà nàmskeid ì klarinettuleik og svo eftir hàdegi fengum vid sem vildum einkatìma. Eftir tad spiludum vid svo smà samspil. Tessi kennari, Håkon, er bara gedveikt fràbær og mig langar eiginlega meira ad komast inn ì Stavanger en ì Oslò! À morgun er svo stòr dagur hjà mèr. Èg er ad fara ì fyrstu lùdrasveitarkeppnina! Èg byst vid ad tad verdi ... jà... ofBODSlega mikid um nørdaskap og nørda almennt... En tetta er samt eitthvad svo fyndid og svakalega ùtlenskt ad fara ì lùdrasveitarkeppni... En jæja, tad er vìst kominn middag hèrna (klukkan er sko ad verda 4 og tà bordum vid kvøldmat!) svo heyrumst ...

Halló allir saman. Ég hef svo sem ekki mikið að segja núna, enda bloggaði ég bara síðast í gær á bloggsíðunni hennar mömmu, en auðvitað er mikið sniðugra að hafa svona bloggsíðu fyrir alla í fjölskyldunni, allir geta sagt sitt. Ég veðja nú samt á það að ég verði duglegri en Berglind hérna, sjáum svo hvað verður

Í dag fór ég að sækja Ólíver Dór í leikskólann og það er svo sem ekki frásögum færandi nema að Hrafnhildur og Katrín Eik fengu að vera einar heima. Nema svo rúnta ég aðeins en þegar að ég kem heim finn ég ilmvatnslykt taka á móti mér bara strax í hurðinni (lofar ekki góðu) og hún eykst eftir því sem að ég kemst lengra inn í húsið. Svo þegar ég kem inn í hol sitja vinkonurnar tvær, stilltar eins og ljós við tölvuna og láta eins og ekkert sé (lyktin er eins og þær hafi hellt úr glasinu), og ég spyr "hvað, voruð þið að fá ykkur ilmvatn?", "já" svara þær og halda áfram í leiknum. "Hrafnhildur", segi ég, "hvar voruð þið að sprauta ilmvatninu?", hún fer inn í eldhús og segir að þær hafi sprautað þar, hmmm, nei það gat ekki verið því að þar var lyktin ekki sterk, þ.e. miðað við aðra staði í húsinu. "Ok, þá", segir Hrafnhildur, við vorum að sprauta í holinu. Ég gafst upp eftir smá tíma og opnaði flesta glugga í húsinu, enda lyktin þannig að þó svo að ég reyndi að taka ekki eftir henni þá smaug hún inn í nefið svo að sveið.
Vona að skotturnar taki ekki upp á þessu aftur í bráðina.
Bestu kveðjur, Elísabet

Jæja, nú á að láta á það reyna hvort einhver í fjölskyldunni (fyrir utan mig og mömmu, við höfum sannað okkur) geti haldið uppi bloggi...